何浩文嫌阻碇拒女友監工
藝人陳意嵐與何浩文前晚出席新片《恐襲波士頓馬拉松》首映禮，帶埋女友到場的何浩文，被問平時開工可會攜眷出席？他說：「我唔畀(口架)！一來悶二來驚會阻礙，要專業啲開工唔好講兒女私情。（影響到你？）我會分心。」他即將返內地逗留半年拍劇，提到內地女演員相當「主動」，他笑言彼此彼此：「我都主動啲！主動行開囉！依家啲手機咁發達，會檢點啲，有啲女仔係目標主義，睇清楚對方咩目的先交朋友。」
而陳意嵐參選ViuTV的選美節目《美選D.n.A》後未獲安排工作，已簽經理人公司的她指留意到其他落選佳麗都有參與ViuTV節目：「參選嗰陣佢哋有同經理人公司傾過嘅，但依家就冇安排工作。（要經理人公司放人先得？）應該係。」即將去日本旅行的她有意拍片擺上網，教「路癡」在日本搵美食。
