簡淑兒演「衰」港女想自摑

吳業坤（坤坤）、簡淑兒（Jessica）及田蕊妮等昨日到觀塘宣傳無綫劇集《迷》，眾人大玩冰壺遊戲，其中阿田忘形晒「線」，黑絲上陣的Jessica玩到跪地搶鏡。受訪時，坤坤透露劇中與賴慰玲及陳嘉佳（小寶）上演三角戀，他坦言渴望有親熱戲份，竟連小寶都唔放過：「佢哋是但一個肯都好！小寶都OK，我同小寶之前拍過孭孭戲，我希望可以再進一步！」談到收視，坤坤表示外界評語不錯，又指自己於劇中的「露額頭」造型成為焦點，反而擔心髮線後移的問題：「好多朋友關心我，睇嚟植髮同生髮水贊助都好有需要！我就嚟27歲，想保養吓頭髮，光頭就大件事。」

至於Jessica表示於劇中演港女角色，看到自己的演出時都不禁想自摑，出街更被途人狂鬧「港女」：「由第一集睇就已經想摑自己，覺得自己好任性。（出街畀人鬧？ ）有啊！出街畀人叫我唔好咁自私同咁港女。（唔介意被鬧？）鬧得愈犀利等於愈多人睇。」

小寶玩疊籌碼玩到反白眼，睇嚟相當認真！	陳嘉佳 「搞到我面都紅晒！」（設計對白）	吳業坤 「我哋又「咩」好唔好？」（設計對白）

田蕊妮憶亡母有愧

早前曾自爆因飾演角色至情緒困擾的阿田表示角色難度高，飾演有18歲女兒的媽媽亦令自己憶起亡母：「我會諗番起我媽咪點樣經歷我嘅反叛期，我同我媽咪講過一句『你生我出嚟都唔係我揀，點解我唔可以有我嘅選擇』。當時講覺得冇問題，但其實應該好Hurt媽咪，所以演呢個角色令我感受到做媽咪嘅痛苦同偉大。」

文：影視組