林一峰送院二汶瞞住阿媽成晚

歌手林二汶昨日出席活動，對於哥哥林一峰早前在家突然暈倒急送院，她坦言見到哥哥反白眼時嚇到面青，更一度擔心對方失救至死，她說：「真係畀佢嚇死，好彩所有報告都正常，應該係成日飛搞到體力透支，不過要特別鳴謝一班醫護人員。（有冇諗過阿哥會死？）有，真係唔知咩事，暈到反白眼喎！我仲喺醫院陪到佢通宵。」二汶承認怕母親受刺激，故未有第一時間通知她：「夜晚十點發生，驚一講佢暈埋一份，哥哥安頓晒第二朝先通知佢。（媽咪咩反應？）佢喺街，聽完都話暈要坐埋一邊，如果畀佢目擊哥哥出事，真係死梗！」二汶透露經此一役，她亦即約醫生為自己做詳細身體檢查。