陳雅倫昨午接受長途電話訪問，她表示與Martin感情依舊。談到男友育有兒子，她大方地說：「初相識已經知，但香港700萬人，呢啲例子多的是啦！（因傳聞反而感情鞏固咗？）係，每對Couple都係共患難、生死嘛，經歷咗一啲嘢，感情自然又會唔同。（點解佢冇陪你過生日？）係我叫佢唔好嚟嘅，呢排好忙，忙到連覺都冇得瞓，之前又病咗，佢嚟到我都冇時間見佢啦！」陳雅倫續表示相信是有「放料人士」，且愈說愈動氣：「夠喇，好收手，最多搵律師囉！我點都會保護我未婚夫，佢唔需要承受呢啲壓力。感情事係我哋兩個人嘅事，佢背景係點，關其他人咩事？人有私隱呀！」