效果好唔怕捱 佘詩曼慣咗超時工作

藝人佘詩曼、楊怡、陳瀅及組合農夫等昨晚齊齊以春裝出席活動,但因天氣突然轉冷,加上又在戶外受訪,寒風吹得阿佘頭髮亂了,她笑言:「哎呀,我個頭set咗成個鐘o架!」談到網民選她有份演出的《使徒行者》及《天與地》為近年的經典劇集,阿佘說:「咁梗係開心啦!自己都鍾意呢兩部劇。」她於3月會和黃子華合拍新片,兩人已七年沒合作,問拍電影可有壓力?她說:「一定有,其實每一樣工作都會有壓力,自己都會盡力而為。」講到馬國明拍劇連踩27.5小時?阿佘說:「成日都會咁,最緊要出嚟嘅成果好,到時就會忘記晒啲辛苦。」

至於捱冷穿Tube dress的楊怡笑言:「凍到起晒雞皮!」她稱4月會為舞台劇進行巡演,完成手頭工作再調理身子,又指老公羅仲謙同樣很忙,問下半年才有時間造人?她說:「承你貴言。」

農夫成員C君被問是否買豪宅築愛巢?他說:「租o架咋,邊可能係業主。(咁多工作都買唔到樓?)係囉,我又冇105%人工,每日又唔可能用50蚊以下使費,亦冇要求唔大唔細2,000呎嘅樓。(冇樓冇老婆?)嘩,咁嚴重,不如娶層樓喇!」C君更抵死地問陸永:「點解你又有老婆嘅?」陸永說:「到我有樓就驚,我都係租嘅。」追問C君是否真的築愛巢?他說:「點為之係愛巢?一齊住我就當佢係女主人,咁同阿媽住又叫乜嘢呀?」陸永笑言:「咪孝巢囉!」