22歲英國「跳水王子」戴利（Tom Daley）上月剛被爆背42歲金像導演未婚夫Dustin Lance Black與男粉絲「裸聊」逾11個月、情慾影片一度外洩，事後立即知衰並公開向Dustin「箍煲」，澄清冇與男粉絲相約見面，強調不會再隱瞞任何秘密。
可惜離醜聞僅相差一個月，戴利又被《英國太陽報》（The Sun）踢爆偷食，跟27歲的6呎6吋高男模Edward William發展長達18個月的純肉體關係。報道指戴利跟Edward於2014年在街上認識，當時單身的Edward事後主動發短訊撩戴利吹水，亦曾獲邀到戴利倫敦住所BBQ及歎咖啡，當時Dustin亦在場。之後二人發展到互傳情慾短訊，戴利趁Dustin出國工作時，就發短訊給Edward：「我現時喺屋企，好想搞嘢，你能來嗎？」
內幕人士透露，Edward向朋友提及與戴利的關係，此事更早已是同志圈內公開的秘密，Edward指戴利在床上很有自信及性慾好強，懷疑他與未婚夫Dustin擁有一段「開放式關係」，容許對方做喜歡的事。據知雖然戴利與Edward已於2015年結束關係，但今個月再重新聯絡，不過Edward已有男友，無意再跟戴利偷食。戴利接二連三被爆對未婚夫不忠，二人婚事似乎危危乎。至目前為止，戴利發言人仍拒絕回應事件。
文：外娛組