唐貝詩姊妹鬥氣 唔准打面
寇鴻萍長女唐貝詩（Lydia）與比她細三歲的胞妹唐貝欣（Fiona）自小感情要好，童年合照常是攬頭攬頸，非常親密，Lydia說：「細個都會呷妹妹醋，大家又會爭玩具，但感情一直都好好，依家大個咗，有乜心事都會同對方講，我哋又會交換衫同鞋着。」
Lydia回想與妹妹童年時免不了打打鬧鬧，連母親也沒辦法，最後只訂下一個規矩，就是打架時不可以打面。其實Lydia十分愛錫妹妹：「我細個好鍾意接妹妹放學，佢當時三歲讀幼稚園，我會去接佢放學，佢每次見到我都好開心，會衝過嚟攬住我，個感覺真係好好，到依家我都仲記得，我仲同佢講，你要話畀同學聽，你家姐好惡，千祈唔可以蝦你。」Lydia笑言與妹妹小時候好像有過度活躍症，經常跑來跑去，妹妹最愛爬上衣櫃，被母親戲稱是蜘蛛俠。