康華深宮互跣爭上位

藝人康華、張文慈、張慧儀和羅霖在無綫新劇《深宮計》中分別飾演「四司」,各自負責宮廷的室內設計、膳食、服裝及飾物,更不停出招挖陷阱、互跣爭權爭上位。不過,四位「熟女」在戲外卻相親相愛,合作短短大半個月,已勁有閨蜜Feel。

康華大爆「熟女」們參考「四司」分工合作,在錄影廠分享美食,更笑指美魔女羅霖擔任「零食大王」,無限量供應零食:「佢Keep得咁好,以為佢好養生唔會隨便放嘢入口,但原來佢會食呢啲立雜嘢,食零食食到佢咁好身材,我真係要學吓。(其他人負責咩?)張文慈煲糖水滋潤我哋,夜晚食飯張慧儀出錢嗌餸,而我就喺下午茶時間買三文治同曲奇。」提到康華連日開工,她即指每日企足十幾個鐘搞到腳腫腫:「值得嘅,小青姐(梅小青)執個妝執得好嚴謹,拍得我哋好靚!」