抽離唔到角色 江美儀喪食減壓
藝人江美儀昨日與吳日言及前落選港姐張敬仁等，出席題材與思覺失調有關的微電影首映，美儀飾演專醫妄想症的醫生，她表示事前曾跟真醫生開會，了解此症狀，並自爆經常同一時間飾演多個角色，懷疑自己險患思覺失調！她說：「啲角色同自己好大分別，抽離唔到，當然未去到有病咁嚴重。（點減壓？）食同瞓！有時間就旅行，離開一下工作環境，想食就食，平時太辛苦喇！」
至於吳日言則自嘲大頭蝦情況嚴重，疑有健忘症：「啱啱去完旅行，留咗好多嘢喺酒店，叉電器、隱形眼鏡甚至新買嘅衫。之前試過去外地工作，唔見化妝品同留低護照，嘥唔少無謂錢，冇得醫！惟有自己留意多啲，要有張清單。（記對白有冇記性？）今次我演社工，啲字眼一定要正確，有啲位NG超過十次，導演話我破咗佢紀錄！」