啱季節至受捧 許廷鏗自組工作室
剛偕胡鴻鈞等朋友自歐洲旅遊返港的歌手許廷鏗（Alfred），昨日出席理財活動，對於電台DJ梁泰來指他已簽了國際唱片公司，他表示(搲)晒頭：「梗係冇呢件事啦！唔知點解佢咁講，同星夢合約仲有一段時間。」並透露打算成立音樂工作室，但否認為新發展鋪路，只是想有Band房專注搞音樂。
有傳星夢開出為Alfred舉行紅館個唱作續約條件，但他不為所動，故改捧另一歌手鄭俊弘（Fred）！對此Alfred說：「公司篤信風水命理，或者我條命利冬天，依家先冒出嚟，夏天就到Fred。公司一向有同我傾開騷，但冇講場地，呢個亦唔係咩續約條件，一路都有傾合約。」
此外，談及好友吳若希懷孕後情緒波動大，令人擔心她患上產前抑鬱，Alfred表示前日才跟她通過電話，覺得她心情靚爆！
_