陳明憙四眼Look唔見得人！
歌手陳明憙（Jocelyn）昨日出席眼鏡活動時透露以前有五百幾度近視，但去年入行前做了激光矯視。自言很貪靚的她，很早已開始戴隱形眼鏡，問到四眼妹造型是否不能被人見到？她笑說：「淨係得啲貓見過，因為我以前好鍾意玩好多唔同顏色o既眼鏡，睇番覺得接受唔到。（唔敢畀男仔見到？）唔敢。」她亦有興趣設計太陽眼鏡：「因為我鍾意畫畫，早兩日第一次整咗個頭箍。」
談及工作，Jocelyn透露3月會出廣東歌，快將開始錄Demo，會先嘗試自己填詞：「依家有聽多啲同唱吓廣東歌，搵咗陪唱老師上堂。（填完畀著名音樂人爸爸陳少琪執？）應該唔係執咁簡單！」她預計每季推出一首作品。