Selena咀TheWeeknd濃情化不開

人氣歌手Selena Gomez最近同歌手The Weeknd打得火熱,二人於上周六被影到在豪華遊艇上火辣纏綿,全程十足連體嬰一樣點都分唔開。Selena與The Weeknd於凌晨時分在梳化床上攬埋一舊,情到濃時不停喪咀,就算有友人經過都一樣懶理,錫完又錫,攬到實一實咬耳仔。據知遊艇每周需花高達8.5萬美元(約66萬港元)租金,但對二人來說應該濕濕碎。

由於Selena前日要出席紐約時裝周睇騷,未能為男友慶祝27歲生日,故特別豪花3萬美元(約23.3萬港元)為對方大搞生日派對。至於Selena舊愛Justin Bieber就冇咁幸福,扮喊拍片話情人節冇情人又冇工開兼冇飯食。

另外,男星麥克華堡(Mark Wahlberg)於情人節為氹老婆Rhea,不惜陪睇情慾電影《格雷的五十道色戒2》(Fifty Shades Darker),並留言說:「我已經冇得再揀睇咩戲,情人節快樂!」不少粉絲留言大讚佢係廿四孝老公。