衛詩雅為食脹爆想減到85磅
演員衛詩雅昨日為英皇電影《決戰食神》宣傳，請粉絲吃乳酪答謝支持。電影上映後詩雅收到不少朋友評語，由於片中太多美食，愈看愈肚餓，她笑說：「好多朋友話一邊睇一邊覺得好肚餓，就算食飽去睇都覺得餓。」
油鹽糖都戒
她又指自己最拿手煲湯，早前更「進修」學整煎堆：「我煮嘢食唔叻，煲湯都OK，今年新年有跟長輩學製作賀年食品，因為我爺爺好叻整煎堆同馬蹄糕，一代傳一代，因此就去學。我自己都食咗唔少，所以身形脹爆。」
她又稱近日開始為新戲角色努力減磅，希望盡量再瘦一點，更挑戰自己極限，2個月減20磅：「依家開始跟教練做運動，遲啲會戒油、鹽、糖、澱粉質同水，以張家輝做標準。」現時105磅的詩雅要減20磅，豈不是只得85磅？問她有否擔心減到變病態，她說：「唔係要好瘦削，係要有肌肉、健康同Fit，之前試過同教練上一堂，操吓啲肌肉 ，之後痛足五日。」她笑言自己太為食，最難是戒口。
文：影視組