君如買玫瑰氹乖女

藝人吳君如昨日出席公司開幕禮，期間透露情人節當日為10歲女兒陳是知送上驚喜：「佢問我點解情人節唔同佢過，但我要拍戲。於是我漏夜買花，之後企門口接佢放學，仲送咗好細粒鑽石耳環畀佢。佢好冧，我話佢第日可能搵唔到老公或男朋友會好似我咁氹佢。我買咗3支玫瑰花，本身要300蚊，但老闆娘最後收我200蚊。（老公陳可辛有咩表示？）佢買咗好大紮花畀個女，都有買畀我，但個女鍾意我嗰3支多啲！」談到林盛斌早前狂掃物業作為女兒的嫁妝，可會倣效？君如表示擔心女兒被男仔呃，計劃為她買基金，又自爆擔心女兒拍拖，所以會Check女兒的instagram。