阿Sa笑周麗淇眼角高拍拖執輸

蔡卓妍與周麗淇在紐約時間14日分別現身當地時裝周，Niki表示在美國於工作中度過元宵及情人節。提到與好友阿Sa同樣是單身，她即以內地網上潮語自嘲：「『單身狗』，唔知點解有呢個名。我哋兩個女仔喺紐約，好難得，外國係第一次，所以眼瞓都要去食餐飯，兩個都幾Sweet！（一齊搵個男友？）好，鬥快！睇邊個快啲，我買佢先，我鋪定後路先。」

提到有指她在飛機上用毛氈墊腳？她澄清：「叫嗰個空姐出嚟講，無中生有。我有少少潔癖，唔鍾意放嘢落地下，澄清都冇用，要講就講，但我又好驚人哋以為我係咁。我亦唔會喺機上洗面，冇呢個習慣，唔係我風格，澄清後唔好搞錯。」

蔡卓妍（阿Sa）

Niki同阿Sa鬥快拍拖，但未開始已認輸。

唔吼外國男

至於阿Sa出席Coach時裝騷，同場有台灣男星吳建豪。首次參加紐約時裝周的阿Sa獲安排坐在時裝評論人Suzy Menkens身旁，盡顯地位！問到如何慶祝情人節？單身的她表示會與同樣單身的Niki吃飯，對於Niki笑指要與她鬥快搵男友，她笑說：「佢眼角高，我眼角稍為低少少！（有冇興趣揀外國男士？）我個人比較傳統，鍾意黑頭髮，但如果有都唔拘！（揀型男？）好難，隨緣！」

此外，提到主演電影《原諒他77次》入圍大阪亞洲電影節競賽單元，她說：「好開心！呢套戲拍得好得意，導演用一個唔尋常愛情片手法嚟拍。（有信心？）入圍已經好好。」提到前夫鄭中基早前舉行演唱會，她卻剛巧不在港，阿Sa即否認刻意「避開」。

至於與太太石貞善屢傳婚變的吳建豪，透露兩人關係很好，情人節當然會買禮物送給太太。

文：名人組