蔡李惠莉收巨鑽嫌老公唔夠浪漫
「玩具大王」蔡志明太太蔡李惠莉、保良局副主席陳細潔與胞姊劉陳小寶（Angel）昨日出席保良局「關懷長者心」活動，蔡太表示前日情人節，跟蔡生、及另外兩對朋友夫妻一起共進燭光晚餐，更透露蔡生已預早送了一份情人節大禮給她：「好大份，係巨鑽。（每年都會送？）佢唔係特登情人節先送，男士唔似後生咁浪漫，但會暗示話送畀你，開心嘅。（蔡生成日送驚喜畀你？）送花一定有。（驚喜？）間中都有，唔係咩節先送。」
今年榮升主席的陳細潔則表示近幾年因工作忙碌，沒有時間拍拖：「忙到唔好意思，唔知幾時先可以應人約，所以我情人節都冇出去食飯，唔好令大家唔開心，保持距離先。」Angel此時即笑稱可代勞召集陳細潔的觀音兵來為保良局做義工。
