鄧月平胃痛嘔血

周秀娜、鄧月平及蔡瀚億等昨晚出席電影《小男人週記3之吾家有喜》慶功宴，周秀娜與鄧月平密實示人，只鬥騷長腿。臉色蒼白的鄧月平直言胃痛，因之前拍片期間試過胃穿窿，醫生指她要半年才康復：「但當時真係冇時間休息，早排過年又食咗好多油膩同辣嘅嘢，結果出現嘔血情況，要漏夜入急症室。」日前她再度入院做胃部微創手術，不料昨日仍然胃痛一整天，問她為何不休息？她說：「作為新人，唔敢亂請假，上面吩咐落嘅工作會盡力完成，依家情況好咗好多，之後會繼續覆診。」
周秀娜笑言如電影添食，或要演大肚角色。
周秀娜笑言如電影添食，或要演大肚角色。

對於電影上映21日累積票房逾千六萬，成績不俗，問周秀娜可希望添食？她說：「如果再拍，唔知會唔會做大肚角色？如果係要揣摩點拍。（第四集想鄭裕玲加入嗎？）有嘟姐當然好！」鄭丹瑞亦說：「嘟姐肯出山就一定開，但說服佢難度好高，我理解佢點解唔拍。第四集開唔開？搵唔搵到佢拍係一個關鍵！」

電影票房理想，鄧月平（左）與蔡瀚億等進行祝酒儀式。
  • 電影票房理想，鄧月平（左）與蔡瀚億等進行祝酒儀式。