30歲天后Lady GaGa日前被爆搭上48歲著名經理人Christian Carino，繼去年7月與男星Taylor Kinney取消訂婚後，終覓得新戀情！GaGa最近與Christian十足糖黐豆，日前被影到在超級碗（Super Bowl）場地公開「親熱」，本周三又結伴於加州睇時裝騷，令傳聞愈傳愈勁。
此外，GaGa前日接受電台訪問時，被主持人追問戀情，問到她有冇一位「男士」可以一齊慶祝超級碗演出成功，GaGa就笑晒話：「我唔知呀，你知我唔講感情嘅事，我依家面都紅晒啦。」