劉香萍讚孫靚仔貝安琪出院收埋BB

現年36歲的中德混血模特兒貝安琪（Ankie）剛在德國誕下兒子，其外籍未婚夫Simon van Damme和母親劉香萍飛往當地陪伴，齊齊迎接BB出世，早前Simon在網上開心放閃，公開兒子的腳印仔照片，前日則陪伴Ankie母子出院，並在網上晒自己推着BB車在陽光下的影子，BB真面目繼續大玩神秘。
貝安琪（右）有未婚夫及媽媽劉香萍照顧，相信復原得好快。
貝安琪（右）有未婚夫及媽媽劉香萍照顧，相信復原得好快。

劉香萍昨日受訪時大讚孫仔靚仔兼人見人愛：「非常可愛！（似Ankie定似Simon多啲？）我覺得似我，哈哈，講笑咋！（令你唔捨得離開佢返香港？）係，佢人見人愛，我祝福佢聰明伶俐，明白人生道理，愛護地球，孝敬父母及長輩，一生幸福健康同快樂。」

Simon晒推BB車的影子玩神秘。
  • Simon晒推BB車的影子玩神秘。