李亞男爆祖藍大男人 臭襪紙巾通屋丟
藝人李亞男昨日為東網巨星facebook直播擔任嘉賓，除提早與網友慶祝元宵節猜燈謎外，席間更大爆老公王祖藍大男人，將襪及紙巾隨處亂拋，要亞男「執頭執尾」，但她坦言祖藍亦有溫柔一面，會陪她打機打通宵。談到生育大計，亞男坦言仔女冇所謂，但若生仔的話希望似自己咁高！
「索爆人妻」李亞男自下嫁王祖藍後成為幸福少奶，昨日為東網巨星facebook直播做嘉賓，趁元宵佳節將至與網友猜燈謎。在溫哥華長大的她面對英文燈謎毫無難度，笑言中文只達小三程度的她，連中文燈謎亦沒被考起，認真厲害！
赴美賀結婚周年
談到下星期二情人節是李亞男及王祖藍結婚兩周年紀念日，她表示將會與祖藍到美國欣賞百老匯歌劇，更坦言彼此很少送禮物，寧願花錢在旅行及美食上。問會否順道製造「美國BB」？她稱想享受二人世界，雙方家長亦沒催促，講到若生B想生仔或女？她說：「如果生仔嘅話係可以似我多少少，個高度！如果生女都可以似爸爸，眼大大嘴唇夠厚，得得意意。」
通頂打機要讓賽
有網友問兩人平時相處誰是強者？亞男踢爆祖藍是大男人：「唔好睇我老公細細粒好得意，但其實佢係大男人嚟嘅，佢好果斷做決定，咁當然佢好錫我，我畀意見佢都聽嘅。不過佢有陣時好亂，啲襪掉喺個地板，啲紙巾用完又會擺喺唔同嘅地方，我要幫佢執，不過都係小問題！」雖然祖藍是大男人，但亦有柔情一面，亞男坦言老公會陪她打機打通宵：「有時凌晨12點，佢會陪我打泡泡龍，打到我要贏為止，咁會打到凌晨5、6點。（佢會唔會讓你？）佢都讓啲啲，令到我滿足。」
此外，亞男與祖藍及汪明荃主持的無綫節目《1+1的幸福》，日前邀請陳國邦、羅敏莊及林曉峰等大談夫妻相處之道，當中陳國邦自我剖白感動全場，老婆羅敏莊冧爆外，連祖藍都流下男兒淚。
服裝：Kate Spade
髮型：Nicole Yip＠ii hair＆nail
場地：Cafe Swan
文：專案組
攝：吳文聰