張敬軒首開腔：冇睇得太重
歌手張敬軒原定參與內地節目《歌手》，早前卻被撤走，即使已錄影的內容也被抽起。自事件發生後，軒仔一直深居簡出，昨日首度於Instagram上載感言，藉宣傳新歌《下次愛你》回應事件，他留言：「錄這首歌的前一晚，就是我剛知道參加的電視節目畫面被抽起的時候。當刻，我沒有太失落。隔天早上起來，心是有些悶悶的，但也多了一份輕鬆。只想衷心感謝一直給予我支持和相信我的每一個你。」
他昨晚又現身有份配音的動畫首映為感言解畫。染了一頭紅髮的他一臉疲態，更首度開腔：「其實錄歌嗰日係節目被抽起同一日，想用當日嘅事去介紹呢首歌，等聽眾知我係咩心情，發生呢件事唔煩就假，搞到家人都擔心。（有冇了解點解被抽起？）冇特別了解，都了解人哋難處。」
強調冇抑鬱
談到曾於Instagram談愛國論，但最終仍被內地節目抽起，軒仔坦言當時只想重申自己是中國人：「好多人話我內地出世拎香港身份證，其實香港身份都係中國人身份。（節目組要求你寫？）當時好多聲音，好多人對同一件事有唔同觀點。」有指其愛國論並非出自其手筆，軒仔未有正面回應，只苦笑謂：「過去就唔好提，細節我都唔記得。我冇將上節目嘅得失睇得太重要。」並重申未有因事件引發抑鬱症。
此外，同場的陳倩揚一家四口亮相，透露今年新年有父母陪伴很高興，稍後將拍攝奇妙電視節目，及另一電台主持工作，笑言同一時間面對兩份工作感緊張。
文：影視組