余慕蓮悲嘆：冇諗過佢咁早收工

兩人去年一同參與舞台劇《香港過來人》，余慕蓮透露魯芬在內地拍攝時不幸染病，花了20萬仍未能將病醫好，更影響工作：「本來佢擔戲嘅，之後啲對白惟有分畀人講，因為佢都企唔到，要用拐杖，要坐喺度講對白或者講少啲。」

余慕蓮又大讚魯芬性格樂觀，不介意被醜化：「畀人醜化佢冇所謂，做戲嘛。佢好似男人一樣做好多工作，除咗代理紅酒，又識做私房菜，之前仲拍廣告。」

鄧英敏以短訊回覆：「普渡圓滿！早登極樂！永遠懷念魯芬姐！」他亦隨心隨筆題字懷念好友，寫道：「有情有義話魯芬，開心大使滿童真，敬業樂業全力赴，西方極樂願早登！」

吳麗珠：本來打算呢兩日探佢嘅，不過真係冇辦法啦，至於遺願我就真係唔知！其實佢之前做一個舞台劇，都係因為身體唔好將個戲份cut咗，咁我哋叫佢多啲休息，過年前都出咗院過年，但過年期間可能又唔舒服返番醫院。

劉少君：新年嗰陣我有WhatsApp同佢聯絡，當時佢已經唔能夠說話，僅於短訊寫上謝謝及簡單圖案回應。舊年3月我邀請佢做歌舞劇，當時佢冇異樣，即使綵排期間都冇問題，直至後來正式演出時才獲悉她患病，趁呢次機會呼籲大家飲少啲酒！估唔到呢個歌舞劇成為佢最後幕前演出。

田啟文：幾日前仲同佢通過電話，當時中氣仲幾好，我話去探佢，佢同我講唔使，仲話自己就出院。佢好客、為人有義氣，係少數肯發聲嘅（圈中人）。佢姪女凌晨時份通知我哋（辭世），我會睇吓有乜可以幫手。

蔡卓妍在微博放上與魯芬的工作照，並留言：魯芬姨妳走得太突然了，還沒吃過妳煮的上海菜，多謝妳無論在鏡頭前或鏡頭後帶給大家的歡樂。