陳山聰床戰莊思敏 最驚動L
陳山聰在新劇中分別與莊思敏和傅嘉莉有親熱戲，提到與莊思敏的幾場「大戰」，他即大爆對方為此準備六套火辣私伙戰衣上陣，更指她旁若無人周圍行：「我忍唔住叫佢着番件衫！」他又指自己看似艷福無邊，但其實拍到身心疲累兼錫到嘴歪：「放飯時我真係瞓着咗！」
藝人陳山聰最近於無綫賀歲劇《乘勝狙擊》與莊思敏及傅嘉莉有親熱戲，認真艷福無邊！不過，提到床戰連場，堂堂男人的他亦不禁表現尷尬，更笑指與莊思敏的幾場「大戰」，絕對稱得上是從影以來最激的愛情動作戲。與莊思敏熟絡的他更大爆對方拍攝時做足「作戰準備」：「佢帶咗成六套靚衫掛晒喺度，仲要係火辣辣，雖然好多Crew喺現場，但佢旁若無人，好有自信咁行出嚟，我都忍唔住叫佢着番件衫！（上圍好澎湃？）總之好多『地球』睇啦！」為怕真的有生理反應，山聰於拍攝前已向莊思敏報定案，幸而過程間未有「意外」：「拍完感覺好攰同錫到嘴都歪，到放飯時我真係瞓着咗！」
新年放縱現肥肉
而戲中亦有講述與陳展鵬的兄弟情，山聰即笑指雙方於前年出席倒數活動時，曾表示希望大家能有多點合作機會，豈料此後便接連合作三套劇集：「《張保仔》、《乘》劇到跟住嘅《天命》都係一齊，大家一齊休息同剃頭，好似情侶組合，所以應該係我同佢拎螢幕情侶獎囉！」另外，山聰日前趁住放假與阿哥阿嫂及女友Apple去泰國旅行，一向身形弗爆的他擰轉面影相時，腰側卻驚現肥肉，看來是農曆新年胃口太放縱之故。
文：影視組
攝：唐豁莊
場地：九龍東皇冠假日酒店