朱咪咪嘔血學生Look 恨做雞
年屆62歲的朱咪咪前晚在紅館個唱中憑學生Look贏盡掌聲，寶刀未老的她邊唱邊跳，獲兩個寶貝仔台上合唱的她，揚言香港幾百萬人只有一個謝霆鋒，故阻止大仔入行；從影多年的朱咪咪承認恨攞影后及視后，笑言曾向各大導演搲撈飾演「做雞」角色。
前輩歌手朱咪咪一連兩場《朱咪咪利利是是演唱會》前晚於紅館開鑼，邀得藝人姜皓文、劉玉翠及李思捷任嘉賓，兩個兒子亦有上台與媽咪合唱《海闊天空》，朱咪咪全晚換上多套歌衫，除低胸裙外，以學生Look最為搶鏡。適逢新年，朱咪咪與一眾嘉賓收利是滿載而歸。朱咪咪與寶貝仔合唱前說：「大仔有意入行做謝霆鋒，我同佢講香港人入面得一個謝霆鋒，其餘七百幾萬人唔係打工就係餓死，所以做人要腳踏實地。」唱罷，朱咪咪即踩兩個仔沒有演藝天分：「不用寄予厚望。」
大唱亞視歌
搞笑的朱咪咪與姜皓文合唱多首亞視劇集歌後，即扮收到無綫的詐型電話，朱咪咪說：「好快啲轉台，唱番我台嘅歌，如果唔係我要上去照肺。」姜皓文笑說：「無綫醫療福利幾好。」朱咪咪反擊：「係去高層房照呀，唔收錢。」接住換上學生Look獻唱多首兒歌，抵死的朱咪咪說：「未見過咁靚少女？」隨即笑指見到台下男觀眾對其學生Look嚇到嘔血。
妒忌劉玉翠
另外，朱咪咪以「好妒忌佢」介紹劉玉翠出場，她說：「佢憑做雞角色攞咗《最佳新人獎》，之後有人搵我做戲，我即問有冇雞做先？」由於劉玉翠染了粉紅頭，朱咪咪取笑說其頭髮五顏六色。
文：音樂組
攝：林蔚恩