鄭丹瑞移民交稅 一鋪清袋
藝人鄭丹瑞（阿旦）日前接受電台主持梁泰來訪問，透露當年移民加拿大時慘被當地政府追稅險些破產，他說：「可以講係一鋪清袋，諗過申請破產，會計師話加拿大稅局『很好』，會等你安頓咗先突然開你File，查你賺過幾多錢，最後我都一次過交咗。」
阿旦之後在電話中補充說：「最後我冇破產，被追嗰筆稅款有幾大就唔講啦，當年安頓好家人後，我自己返香港搵錢，因為我加、港兩邊飛，所以入唔到加拿大籍，太太同女就入咗。（有冇後悔移民？）冇，只覺得溫哥華唔係我想像中咁，我當交一次好貴嘅學費囉！」
在電影《小男人週記》系列中，阿旦艷福無邊，現實生活中的他坦言多年來有女埋身，因性格孤寒，想到和女性出街要花錢，情願將時間放在創作上，更自爆農曆新年時曾不想返電台開工：「唔想派利是囉。」