羅霖情人節繼續三人行

早前羅霖（Candy）被拍得與比她年輕二十歲的內地追求者J君，加上羅霖兒子晉晉「一家三口」密遊泰國，Candy承認旅行後二人的確邁進了一大步，就連晉晉也很喜歡他，她笑說：「晉晉有問佢幾歲，知道佢細過我好多，但個仔話冇問題，最緊要對我哋好。」她指自己早已經歷過一段婚姻，而且已屆半百，再找伴侶一定以愛為先；現時經濟靠自己，有能力追求開心、簡單和愛！她續說：「我依家最希望係供完個仔讀書再夠首期買樓，（同J君結婚一齊買？）結唔結婚對我唔重要，結咗都可以離婚，佢有講過想同我結婚，因為唔想我咁辛苦，但我話做得幾耐得幾耐。」即將到來的情人節，羅霖稱即使佳人有約，也要與兒子三人行！