藝人王浩信昨日出席活動時透露新年休息了三天陪家人，年初四已開工拍新劇《踩過界》，提到早前有報道指有車主借電單車給劇組拍攝後，工作人員忘記拆下道具炸彈，王浩信說：「可能當時太趕，做漏咗，我都要同車主講聲唔好意思，令佢虛驚一場，但都證明無綫做嘢唔係是是旦旦，啲道具好真。」
提到情人節，王浩信表示會送情侶手錶給太太陳自瑤，並笑說：「好多嘢都送過，由頭到腳、由裏到外都送過。（內指咩？）咪嗰啲囉！（揀你自己喜好？）大家攞個協調。」他表示拍完《踩過界》後便投入《溏心風暴3》的拍攝：「兩劇接住開工，想做乜都唔得。（想造人？）點都想，第二胎如果同大女相隔太遠唔好，要從長計議。（想生仔？湊個好字？）仔女都鍾意，湊到個好字當然好啲。」