唔當黃宗澤係對手 祖藍：佢咁靚仔
藝人王祖藍與老婆李亞男前晚在將軍澳電視廣播城主持節目《1+1的幸福》，講到有傳黃宗澤以開工作室的形式加盟邵氏，祖藍表示若屬實確是好事：「佢做咁多生意一定得。（變咗你嘅競爭對手？）若然做到佢嘅競爭對手我幾高興，即係我當自己係一線小生！梗係唔係啦，佢咁靚仔，佢喺內地係妹妹仔偶像。」
同場的林盛斌（Bob）帶同妻女參與錄影，他不諱言想追多個：「新一年想工作上有突破，家庭上都努力中，啱啱出嚟前都努力緊，依家有啲攰。」提到他日前網上分享醉爆相，他指當時與黃宗澤、周柏豪、黃翠如、蕭正楠等到張繼聰屋企團拜，飲得盡興：「我同方力申都冧咗，佢哋見我醉就叫我賭錢做莊，輸咗幾千蚊，有兩個男星飲醉咗話想娶我個女。」
