陳慧琳百無禁忌 新正頭買鞋

難得與媽咪出巡，大仔劉昇（中）表現活潑，細仔劉琛則拎着雪糕密密食。

戴上眼鏡、口罩的Kelly一身潮Look現身，三母子邊行邊食雪糕，但卻未見Kelly老公Alex同行。細仔沿途由工人姐姐照顧住，大仔則跟住媽咪Kelly身後。Kelly發現記者拍照後，大方除下口罩，仲親民地一家三口慢慢行讓記者影相，反而紮紮跳的大仔劉昇搞笑地避鏡頭。記者笑問Kelly是否趁「人日」買生日禮物給囝囝？Kelly說：「想買新鞋畀佢哋，佢哋啲腳大咗好多。」記者笑指新正頭不應買鞋，抵死的Kelly即笑言：「係咩？好彩，冇買到。」隨即叫大仔劉昇與記者打招呼。七歲大的劉昇遺傳父母高大的優良血統，幾乎已到Kelly的膊頭。

戴上口罩閒逛的Kelly，最後空手而回。

Kelly趁初七人日，帶一對寶貝仔同行置新裝。