柳妍熙催桃花恨拍拖
歌手柳妍熙（Shay）今年難得留港跟父母度歲，年初三不宜到親友家拜年，一家三口就到車公廟拜神求雞年行好運。昨日Shay接受電話訪問時表示：「我求籤好好彩，自身同事業求到上籤，姻緣就求到中籤，（好恨拍拖？）希望早日有白馬王子出現，年三十晚行花市都有買桃花，想催旺姻緣同人氣。」
Shay又謂新年有假放，但每日都好忙，除年卅晚陪父母食團年飯、行花市外，大年初一出外拜年，年初二睇煙花，而初四則到唱歌老師曾路得家上歌唱堂，她說：「因為嚟緊元宵節要做蘇永康喺清遠演唱會嘅嘉賓，所以唔可以偷懶，要加緊學好廣東話。」落堂後，她當然跟老師拜年及食飯賀新春。
