天經跪地斟茶 陳寶珠大宅任睇！
早前在上海完成一連廿場的舞台劇《我和春天有個約會》的楊天經，一如以往和母親陳寶珠共度新年，並依循傳統習俗於大年初一與太太吳文珊向陳寶珠下跪奉茶拜年，更令母親家居曝光！向來愛花的陳寶珠，在客廳放了不少開得燦爛的年花。信佛多年的她更在客廳大櫃放置觀音像，而客廳更有不少大鏡，布置清雅！
一家潮玩Selfie
楊天經表示他和母親向來重視節日傳統，年三十晚全家吃團年飯及以碌柚葉沖涼：「大年初一會斟茶畀媽媽，佢送咗件新衫畀我，夜晚有好多朋友嚟食飯賭錢，媽媽發咗新年財，我就輸少少。今年另一個傳統係Selfie（自拍），我哋三個周不時玩自拍，媽媽都好配合，有時更會做古靈精怪嘅表情！」
對於早前《我》劇的演出，天經表示為配合劇情，有一幕只以孖煙囪上陣，除褲除足廿場！他說：「套劇帶咗好大成功感畀我，雖然全部以廣東話演出，唔知觀眾聽唔聽得明，但佢哋反應好好。我好多謝拍檔楊怡，佢執生技巧叻到花名叫機靈天后，有次我應該將條褲放喺櫈，但唔小心跌咗落地，佢若無其事幫我踩住。初時着孖煙囪對住觀眾有啲尷尬，但做戲要專業，之後就豁出去。」
文：專案組