李施嬅陷脫髮危機何雁詩機場失銀包懸賞1千蚊

李施嬅與何雁詩昨日出席無綫新劇拜神儀式，兩女均非常黑仔！施嬅大呻每日要戴頭套16小時趕戲，搞到頭皮紅腫兼甩頭髮！至於剛從日本返港的何雁詩，在社交網上載喊相，大呻在機場遺失銀包，更出一千元懸賞，希望執到銀包的人交還給她。

陳展鵬、李施嬅、陳山聰、張頴康、何雁詩等昨日出席無綫新劇《天命》拜神儀式，女主角唐詩詠因病缺席。剛從日本度假趕回港開工的何雁詩，昨日在社交網上載喊相，並留言「新年流流嚟唔見銀包」，她接受電話訪問時大呻：「好慘，身份證就報失咗，因為再補回鄉卡、車牌、八達通好花時間又好貴，銀包內最多只有500蚊現金，我依家『懸紅』一千，希望執到嘅人畀番我，不過我覺得機會好渺茫。個銀包係阿媽送畀我，可能灰色又太細個唔旺我，我要買鮮色同大個啲先，好在個銀包值千幾二千，如果貴就仲慘。」對於有網民留言聲稱執到她的銀包，並約她今日在馬場見面交還銀包，但何雁詩說不相信亦不會理。