「萬人迷」碧咸（David Beckham）日前於訪問中坦承於多年婚姻中曾經犯錯外，又自爆與老婆Victoria已經靜靜雞重訂婚盟，令粉絲大為驚喜。碧咸於訪問中說：「我哋已經重訂婚盟，係（比1999年婚禮）私人好多嘅，就喺屋企，大約只有6個人。」碧咸仲自嘲當年於婚禮的打扮騎呢：「我嗰時仲有頂紫色帽，真係唔知當時諗咩！」不過他大讚老婆的婚紗Look好靚，堅係愛妻號！
此外，連日出席活動的他前日飛抵洛杉磯與家人共聚，Victoria即於社交網上載他與四個仔女攬到實的照片，還留言稱一家都好愛老竇，相當Sweet！至於5歲的夏柏舒芬（Harper Seven）邊攬實老竇邊冧笑，萌到爆燈！碧咸夫婦另上載大紅燈籠相及影片，祝粉絲農曆新年快樂！