藝人張建聲（Justin）猴年意外被玻璃割傷手，來到雞年要一試身「手」，到林村許願樹拋寶牒，連拋六次終於成功，他說：「我好多年前嚟過，嗰次三、四次就成功，今次棵樹同寶牒唔同咗，難度高咗！（難在用『傷手』拋？）我隻右手復原得七七八八，有諗過用腳踢，但好似唔禮貌。」
「（猴年最開心續約蕭定一公司？）梗開心啦，可以留喺舊公司，唔使花時間適應新環境，但最開心係試咗好多唔同角色！（想雞年桃花運到？）順其自然，喺香港搵咗錢同買樓先，有咗安樂窩，拍拖嘅嘢講Feel啫！」
