Jocelyn孖老公 鴛鴦下廚
Jocelyn與Anthony日前跟師傅學做金元寶酥及鳳梨雞酥慶新春，兩人聲稱要廚藝鬥一番！完成作品後，兩人恩愛咀嘴，又互餵親自炮製的美食，甜到漏！Jocelyn信心十足地說：「當然係我整得好過佢好多，佢整嘅鳳梨雞酥好肥大，睇嚟需要減肥！仲有佢個金元寶兩邊做得太大，焗完兩邊甩咗出嚟。」兩人笑言過程好玩，混合各式材料時可同時鍛煉手力，是不錯的運動！
飛夏威夷照顧媽咪
今個農曆新年，Jocelyn與Anthony會分隔兩地，Jocelyn解釋要照顧患病的母親：「我要去夏威夷探媽咪，Anthony就會留喺香港照顧貓咪。上年10月，我(口既)公公婆婆喺1個月內先後去世，媽咪受到太大打擊中風，半邊身唔郁得，所以我依家每個月至少會返夏威夷一個星期照顧媽咪。佢已經返咗屋企休養，情況有所改善，嘴角同手臂都可以郁到少少，我好感恩佢仍然健在！」她明言現時將家人放在首位，認為最重要是一家人齊齊整整，身體健康，這就是她的新年願望。
文：名人組
