「雀后」仙樂都恨偷師贏層樓

性感女星「仙樂都」吳堯堯（YoYo）最近在一部以賭為題材的網絡賀歲動作電影中飾演爛賭婆，最叻打麻雀但最後負債纍纍被追債。YoYo自言現實中完全不諳賭術，很少在賭場贏錢，提到最近澳門出現「女賭神」，在賭場贏走約1.6億港元成全城熱話，更一度誤傳是加籍女撲克高手劉璇璇（Xuan Liu），YoYo表示有留意新聞，笑言想跟女賭神偷師學番兩招：「好羨慕佢呀！但我就冇呢條命，比較少真係賭錢，最多買吓六合彩！新年會同親友玩魚蝦蟹，最多贏三百蚊咋！我真係識得有朋友嘅老公係專業玩啤牌，贏到好多物業，畀好多賭場列佢入黑名單，我都想好似佢咁贏層樓！」

戲中，模特兒出身的YoYo有一場「鬥波」戲，穿三點式跟俄羅斯籍女主角歐麗婭齊齊落水，為了盡騷D Cup身材，YoYo自爆事前努力節食Keep Fit！

仙樂都戲中演爛賭婆，現實只小賭怡情。	歐麗婭	仙樂都池邊瞓身演出，小勝歐麗婭一球！

D Cup胸贏俄妹

身形高大的歐麗婭原本有E Cup上圍，但因減磅搞到縮胸，未知是否面對YoYo感到受威脅，遲遲未肯埋位，還叫助手到附近買Nude Bra托胸，可是由下午等到天黑都未找到合適Nude Bra，最終要「真胸」上陣，效果似未及YoYo澎湃！不過，YoYo謙稱身材細粒，不夠歐麗婭火辣。

另外，今次YoYo首次兼任電影製片，直言要兼顧幕後工作忙到爆，但學到很多東西，經驗難忘。

文：影視組