蔡加讚派過百萬利是
「玩具大王」兒子蔡加讚（Karson）前晚現身旗下喜運佳．譽一鐘錶贊助的「譽滿香江煙花大匯演」，對是次活動能圓滿舉行大感開心，更難得與多位重量級嘉賓一齊度歲，連姐夫甄子丹都畀面出席，Karson說：「佢嚟當然開心，我哋有呢位宇宙最強助陣。（變成宇宙最靚煙花？）冇錯，我都好多謝屋企人嚟支持，大家好盡興！」雖然去年市道麻麻，但公司業績仍有增長，問Karson有否派過百萬利是慰勞員工？他說：「公司點止派過百萬利是！（派過千萬？）我哋香港加內地員工有幾萬，金額都唔少！」
組合農夫及玄學家麥玲玲擔任表演嘉賓，麥玲玲大讚子丹的太太汪詩詩與Karson太太汪圓圓兩姊妹也有旺夫鼻，又笑指子丹的面相怕老婆，他聞言即說：「我係尊重老婆！」此外，麥玲玲昨日又現身馬場開工，透露成立半年的日本算命網站，擊退了日本占星師取得第三名，稍後她會到日本及內地工作，認真豬籠入水。
