黃子恆新年開個靚頭 朱晨麗想買大屋放桃花

無綫藝員朱晨麗與黃子恆呢對《味想天開》情侶檔齊齊向大家拜年！朱晨麗坦言年初一已經開工，覺得新年第一日開工好意頭，開工大吉。問她有否買桃花增添愛情運及觀眾緣，她笑說只試過企桃花旁影相：「未買過，桃花太大棵。其實除咗人緣運唔嫌多，其他就真係寧缺莫濫，我唔心急拍拖，只希望今年多啲嘢做，賺多啲錢買間大屋，先可以買棵大桃花。」她又表示今年最開心是父母來港度新歲，她有點感觸說：「近十幾年幾乎都係自己過年，好開心媽咪喺身邊，媽咪好鍾意水仙花，之前去買咗一盆，媽咪見到開心到雙眼好似發光咁，我仲會親自下廚煮飯畀媽咪食。」