范振鋒 李思欣 買咗樓先生B

「娛圈夫妻」范振鋒與李思欣近年拍住上搵錢，二人早前更推出合唱歌，思欣亦開始與老公一樣向電影圈進發。二人於年初二食開年飯，一家人齊齊整整迎接新一年！談及過往的一年，思欣演出網絡電影並擔任女主角，首次拍鬼片的她直言是挑戰：「我本身就好怕呢啲嘢，但一直想做多啲內地市場工作，拍我就唔係好驚，反而係佢（指老公）嚟到探班驚啲！」阿范去年開始涉獵電影圈的幕後工作，直言得着甚大：「舊年開始做電影監製，未係好滿足，覺得成績唔係好理想，想做再好啲！」今年亦為三部電影做監製的他，來年希望可以多做慈善工作，或者投資本土電影發掘新人。