林頴彤有工開唔怕Dry
無綫小花林頴彤（Bella）去年憑《城寨英雄》「鑫鑫」一角人氣急升，獲添食與同一班底合作新劇《同盟》，剛拍畢劇集的她趁新節目開鏡前到花墟買年花。
除了應節的金雞飾品，她亦睇中媽咪最愛的劍蘭，問到可有意買桃花？她笑說：「有試過圍住桃花行一圈轉運，不過去到年底都唔記得咗，唔知有冇應驗呢？今年都應該再去行吓！」問到可擔心親友催婚？她自言「感情零蛋」，只想努力工作：「親友冇催，媽咪都冇，佢只希望我努力工作。大家都叫我唔好浪費時間，但依家開始畀觀眾認識，應該要畀心機，所以都冇諗呢樣。」更笑言只要有嘢做就不怕Dry！
髮型：Green Cheung @ Fifth Salon