阿旦逼周秀娜咀嘴：我不知幾驕傲

由鄭丹瑞執導兼主演的新片《小男人週記3之吾家有喜》於雞年賀歲檔上演，相隔30年再飾演小男人「梁寬」，女主角亦換上當代宅男女神周秀娜（Chrissie）做他女友，而囡囡則由36F「巨胸翠如」鄧月平（Larine）飾演，兩代女神趁新年向阿旦大派福利，親手餵阿旦食湯圓及豆腐花。

認公器私用

阿旦獲兩位美女親自餵食，他表示艷福無邊是小男人的權利。曾表示「周秀娜係我女神」的阿旦說：「廿幾年前嘅《小男人》係搵當時嘅女神去做，時至今日梗係要搵番當代女神去做。Chrissie係香港人女神，搵佢最好不過，而Larine就係新一代女神。」戲中阿旦與Chrissie有出浴戲不特止，他更擅自加戲要Chrissie錫他，他笑稱：「見佢圍讀嗰陣冇咩防範咪加囉，個個話我公器私用，我不知幾驕傲！」

滿足小男人

被加戲的Chrissie毫無怨言，更感激阿旦讓她在戲中做一個溫柔美女。首次拍戲的Larine很多謝阿旦帶她入戲，令演出效果事半功倍。眾人會在新年密密謝票，Larine打算親手整年糕給阿旦品嘗，報答對方。至於Chrissie則會準備利是封：「畀旦哥封利是畀我，或者放啲優惠券畀佢。（畀佢錫你？）滿足吓啲小男人。」

文：影視組

周秀娜化妝：Omix B

服飾：N21@I.T

髮型：AmberTse@Queens Private I

鄭丹瑞髮型及化妝：Milk Cheng

鄧月平服飾：Snidel

場地：hmv kafe