羅霖同J君蜜遊加晒分
「美魔女」羅霖（Candy）早前承認與年輕廿載的內地嫩男追求者J君發展中，她透露日前偕孻仔及J君同遊泰國四日三夜，現已回港：「J君知道我同晉晉（孻仔）去旅行，話想同佢熟絡啲，咁我覺得都係一個短Trip，冇乜所謂。今次真係我最舒服嘅一次旅行，因為有佢幫我照顧個仔，以前全部係我一個帶三個仔。」她大讚是次旅行令她對J君加分不少，全因對方細心照顧小朋友，處事成熟。
至於問到兩人可有拖手及同房？她笑說：「無論點我都要同晉晉一間房㗎啦，所以（同J君）一定係分房瞓。（可以三個人一間房？）始終晉晉同佢未太熟，希望小朋友覺得舒服。（咁有冇拖手仔？）我哋有一齊拖晉晉，有小朋友唔好太親暱。」她又透露J君與兒子相處愉快，三人齊齊按摩及玩機動遊戲，但因月事而不方便下水游泳，只在池邊為二人拍照。
