林雅詩擊鼓辟霉氣 挑戰新形象

藝人林雅詩（Grace）與老公溫文英因離婚一事對簿公堂，早前一時衝動萌生自殺念頭，令家人和朋友都十分擔心，不過趁雞年來臨的大好日子，她藉着舞獅及擊鼓送舊迎新！外表嬌滴滴的Grace舉起獅頭有板有眼，練習打鼓時節奏分明，她透露原來已非首次舞獅：「其實女仔舞起獅上嚟都幾辛苦，因為都有重量，我會向高難度挑戰，雖然會有少少危險，但會練習埋上樁。」
林雅詩打鼓時節奏分明。
林雅詩打鼓時節奏分明。

Grace透露農曆新年會與兒子及家人外遊，至於新一年工作大計，她透露會執導及演喜劇：「我係做搞笑兼醜角！（點解會拍笑片？）大家見親我都係女神感覺，但我想挑戰吓其他角色，畀大家睇吓另外一個林雅詩係點。我想向演技方面發展，劇本都會加少少我嘅故事喺入面，男主角仲搵緊，同埋公司嚟緊會搞電視台，到時我都會主持節目。」

化妝：Natalie Wong Make up Pro.

林雅詩擊鼓舞獅，期望雞年事事順利。
  • 林雅詩擊鼓舞獅，期望雞年事事順利。
林雅詩挑戰新形象，嘗試演女神以外的角色。
  • 林雅詩挑戰新形象，嘗試演女神以外的角色。