崔碧珈 夏尉喻 林芊妤 桃花事業大豐收

「恭喜發財！」崔碧珈、夏尉喻及林芊妤性感上陣，向各界拜年！Anita預料雞年運程最好，她說：「我屬龍，同雞最夾，生肖運程話我事業順利，但會辛苦少少。我唔怕呀！我哋呢行，辛苦代表有工開！我已經買咗好多雞嘅造型飾物，希望幫到事業運！猴年我做到年三十先收爐，新年有3、4日假期，本來想返倫敦，但時間太短，依家打算留港(手豆)利是！」

肖鼠的Barbie亦胸有成竹，她說：「我聽講屬鼠雞年運程都唔錯，事業有突破，桃花都唔錯！我仲喺屋企添置咗個竹製嘅全盒，合我命格，有助家旺！（有買桃花，旺上加旺？）我怕唔識打理，又懶得淋水，我會擺啲粉紅色、紅色物件喺某啲方位趨吉避凶！」

Coffee吉星拱照

Coffee則預知雞年會發大財，她笑說：「我屬蛇，生肖書話我有好多吉星，搵錢多過上年，係豐收年，會發大財！感情發展又順利。（仲會拉埋天窗？）又冇咁講，不過我知點解會發大財，因為我同家人原本打算農曆新年去旅行，因為一啲原因要延遲到復活節，依家變咗新年喺香港。我好多朋友都結咗婚，我會四出（扌豆）利是，所以話『今年係我豐收年！』」

Barbie擺陣增強運勢，事業桃花雙旺。	崔碧珈雞年事業運最旺，長做長有！	（左起）Anita、Coffee、Barbie Anita、Barbie及Coffee組成「ABC兵團」拜年！

文：影視組

攝：吳文聰

場地：權八居酒屋