吳若希攬實男友 陪母團年

吳媽媽（左一）、吳母男友（左二）
吳若希落樓梯時有Alex傍實。

懷有五個月身孕的歌手吳若希（Jinny）與澳門闊少男友何兆鴻（Alex）打得火熱，現已停工休息的她乖乖留在澳門養胎 ，間中返港與家人、許廷鏗等好友相聚。趁農曆新年，Jinny日前與男友抽空返港與家人食團年飯，共享天倫樂。

日前有讀者報料指Jinny與Alex在沙田一間酒家出現，感情要好的兩人無時無刻都像連體嬰般黐住，男友亦出手攬實以保護身懷六甲的她，Jinny則冧爆甜笑。原來當日Jinny約了家人食飯，同場亦有吳母及其男友，眾人邊食邊傾，Alex明顯已成功融入Jinny屋企。期間Jinny在酒家遇到歌迷要求合照，她親民地有求必應。

吳若希有Alex陪住，做個開心大肚婆。	Alex攬到吳若希實一實，齊齊坐船返澳門。	吳若希（右）專程返港陪媽媽及其男友食飯。

鬆身衫唔見肚

食飽後，Jinny與Alex即搭車去碼頭趕船返澳門，但兩人認真煙韌，全程攬實Sweet到爆！而當日Jinny身穿白色鬆身冷衫，驟眼看不覺肚凸凸，但因孭背包的緣故令其上圍突出，營造「胸湧」效果！

文：音樂組