林鈺洧用微信拜年
模特兒林鈺洧（Denice）自小在單親家庭長大，近幾年才與父親林俊賢相聚的她說：「同爹哋再見番，不過佢長期喺大陸，佢喺大陸做生意好忙，好難見到佢，我會同佢微信拜年，喺微信（扌豆）利是。」
Denice與媽咪感情要好，新年願望是希望媽咪早日找到好歸宿：「我好想媽咪快啲結婚，有個人可以照顧，但佢冇拍拖。（你介紹？）我唔識年紀大嘅男人，我好想佢快啲着婚紗，因為佢未着過婚紗，就算同我爹哋簽紙結婚都冇着。」至於自己的感情事，Denice承認已有穩定男友：「但我唔會早婚，想事業為主，因為我非常鍾意做model，拍戲都想。（接受性感？）裸露就一定唔得，內衣、比堅尼OK。（有冇叫爹哋幫你介紹拍戲？）我冇叫佢幫我，佢都想我獨立啲，唔好靠人。」
場地及服裝：中藝
_