藝人龔嘉欣昨日在電視城拍攝新劇《平安谷．逐個捉》，她說：「拍得好順利，依家收爐，年初一啟市做公司賀年節目，初四再開番《平》劇，成班演員約好咗當日食開年飯，我會預備鮑魚、湯圓，拎畀公司canteen廚房加料！（新年要同長輩拜年？）我啲屋企人返晒鄉下，得番我喺香港，不過年初一開工都好，舊年（猴年）我年初一都有開工，雞年會係我第二次年初一要開工。（猴年年初一開工，嗰年就攞咗最佳女配角，好意頭？）希望承接住呢個好運，同埋希望身體健康！」
