李亞男爆祖藍搵錢撻阿媽
去年斥資開設工作室的王祖藍，趁雞年來到叫一班旗下藝人徐子珊、趙勁皓（King）、張彥博與瑪姬等返公司拜年。祖藍掏出一大疊500元「大牛」，眾人隨即雙眼發光，連亞男亦搶過來逐張數，又搞笑地把錢撻向祖藍的面上並說：「錢吖！你平時都係咁畀家用奶奶！」愛妻號的祖藍即刻認低威，甘願被扭耳仔受罰。其後，兩人合拍地將財神紙牌當BB咁抱，亞男還一臉冧滋滋。
突然「虎妻」上身的亞男指今次為奶奶出頭：「我識佢時見佢用錢撻落媽咪塊面度，以前唔敢話佢，今時今日梗係掟番啲錢畀佢！」問到祖藍會否用同一方法畀家用太太？他說：「依家佢自己提款，我銀包都冇錢，好耐冇見過500蚊係點樣！」問到抱住財神當咗BB，是否渴望生仔？亞男笑言使費大：「生BB需要錢，今年未必成事，依家籌備吓同調理身體。」至於轉戰商界搞珠寶設計的子珊希望來年能拍戲與生意兩邊兼顧：「搵多啲機會去內地工作。」
徐子珊服妝：MS MIN@Lane Crawford
髮型：Debby Kwan@HAiR
李亞男髮型：Nicole Yip@ii Hair & Nailv
