盛品儒買年花慾火盛 蔡一鳳餵撻降溫

盛品儒是家中獨子，當年蔡一鳳（Michelle）嫁入盛家家門時，已早知要為盛家繼後香燈，事實上她仲心急過奶奶，希望早日為老公添丁。為達成生夠4個的心願，兩公婆理應開行Turbo造人，只是他們都事業心重，婚後盛品儒發展遊戲生意，蔡一鳳則接手一個外地的大型旅遊項目，經常離港，兩公婆連見面都難，莫講話造人！

押後生B大計

蔡一鳳亦明白生仔要趁早，故早前向公司請辭轉做顧問，留港多陪老公密密造人，還一度計劃於去年12月盛品儒40歲生日時送上「盛B」做禮物，但奇怪她的肚皮一直未有動靜，原來她過去數月向老公發出「禁床令」！據其閨中密友說：「Michelle喺法國嘅珠寶總店已經搞得七七八八，稍後又要喺澳門開新店，連開兩間，所以呢排忙到一頭煙，太操勞，佢覺得如果呢個時候佗B，對BB未必最好，所以同老公商量，造人計劃要遲多少少，過埋農曆新年就解禁，盛品儒都同意。」

不過，正值壯年的盛品儒又點能夠禁慾？早前見他陪老婆行花墟掃賀年裝飾時，明顯已經「谷爆」！當日下午3時許，兩口子由司機送抵花墟，同行還有一名家傭，蔡一鳳對賀年飾物興致勃勃，不斷左揀右揀，盛品儒則明顯是陪睇，經常借意索吻，老婆揀裝飾品又錫，老婆揀花又錫，幾乎每行廿步便錫一啖，身邊家傭亦見怪不怪。

盛品儒兩公婆睇睇吓花都要啜，閃到途人停步睇好戲。	揀花又咀，行街又咀，盛品儒癡纏到呢！	放大圖片

咀完又咀

途人見到兩口子又攬又咀如連體嬰，都不禁駐足眼望望，但盛品儒一於少理，不停錫不停錫，而蔡一鳳亦明白老公忍得辛苦，路過一間蛋撻店時即買撻餵飽老公。有老婆餵撻，盛品儒一副得戚樣，邊食邊笑到冧滋滋！

老公乖乖「禁慾」，蔡一鳳餵他食蛋撻當獎勵。

蔡一鳳愈揀愈起勁，盛品儒提着購物籃侍候在側。