周柏豪打波穿煲 瘀上加瘀
農曆新年將至，周柏豪、何猷啟及女星唐紫睿巧合地都弄傷右手，搞到又瘀又腫，被刀傷的猷啟甚至到醫院求診，慶幸三人的傷勢都沒有大礙，柏豪更自爆跟公司訛稱去打邊爐，其實去打波，結果因傷手而穿煲！
大後日就是大年初一，周柏豪、賭王何鴻燊三房兒子何猷啟及曾打過G-1格鬥會的唐紫睿，不約而同右手受傷。忙於為無綫拍攝新劇《使徒行者2》的柏豪，上載手板「雞髀位」瘀了大片的照片，狀甚恐怖，他解釋前晚打籃球扭傷，更自爆說：「我同公司講去打邊爐，依家穿咗煲！」他是與敵方爭波時反方向扭傷，柏豪說：「投入就會忘形，不過好小事，已經睇咗骨科醫生，冇骨折，拉傷咗韌帶，簡單用冰敷就好o架喇！」4月他將舉行演唱會，開騷前一切激烈運動如籃球、賽車都要避免：「醫生話最好放假，多去旅行，仲要加入工、出雙糧，咁就好快會好番。」
唐紫睿搬家具觸舊患
而唐紫睿（Hazel）上載右手的照片，可見手腕紅腫，她留言表示是以前打比賽弄傷，跌打師傅講過如果右手再打再練，可能以後不能完全恢復，但她沒有聽話，結果現時不能拿重物，連扭毛巾也做不到，因為很易再整傷！Hazel透露日前在家搬動家具時觸及舊患，但表示沒有大礙：「大家唔使擔心。（叫男友呵番？）以前就會，依家唔會，佢都睇慣啦！」
猷啟切傷 「雞髀位」
至於何猷啟昨午現身養和醫院，他同樣右手「雞髀位」包上紗布，原來他切粟米時不慎切傷，但不用縫針，猷啟說：「喺屋企煮嘢食嗰時整親。（叫工人煮嘛？）其實係煮好簡單嘅嘢。」媽咪陳婉珍並不知道他切傷了，反而女朋友就知道，被記者笑他：「同女友講都唔話畀媽咪知？」猷啟一臉尷尬說：「因為女朋友同我一齊食。」之後即登上座駕離開。
文：音樂組